Incoterms (худалдааны) болон Transport-term (тээврийн) нөхцөлөөс хамааран ачаа ачигдах газрын хаяг, zip code, нисэх буудлын нэр, хот болон улсын мэдээлэл шаардлагатай.

 

Ачааны нэр

Тээвэрлэгдэх ачааны нэр, зориулалтын талаарх дэлгэрэнгүй мэдээлэл хүргүүлэх

 

Ачааны төрөл

Тусгай нөхцөл шаардаагүй энгийн ачаа эсэх

Тусгай нөхцөл шаардсан ачаа эсэх мэдээллийг хүргүүлэх ба үүнээс хамааран тээврийн үнэ тооцоолоход шаардлагатай нэмэлт мэдээллүүд шаардагддаг. Тусгай нөхцөлтэй ачааны төрөл:

Аюултай ачаа эсэх

Шингэн ачаа эсэх

Батарей агуулсан ачаа эсэх

Хэмийн горимтой тээвэрлэгдэх эсэх

Эмзэг, хагарах ачаа эсэх

Үнэ цэнтэй ачаа эсэх

Давхарлаж ачих боломжтой эсвэл боломжгүй эсэх

Түргэн муудах ачаа эсэх

 

Тээвэрт тооцогдох жин

Агаарын тээврийн үнийн санал боловсруулах хэмжигдэхүүнийг тээвэрт тооцох жин гэдэг. Үүнийг ачааны бохир жин болон оврын жингийн аль ихээр нь тооцдог. Эдгээр жингүүд хэрхэн тодорхойлогддог вэ:

Нийт бохир жинг (gross weight) нэгж байр ачааны бохир жинг тухайн нэгж байр ачааны тоогоор үржүүлсэн үржвэрүүдийн нийлбэрээр тодорхойлно.

Нийт оврын жинг (chargeable weight) нэгж байр ачааны см-р илэрхийлэгдсэн урт, өргөн, өндөр гэсэн 3 талт хэмжээснүүдийн үржвэрийг тухайн нэгж байрын тоогоор үржүүлсэн үржвэрүүдийн нийлбэрийг 6000 гэсэн коэффициентод хувааж тодорхойлно.

Мөн тухайн ачаа нь ачмаг буюу поддонтой ачигдаж байгаа эсэх, поддоны хэмжээснүүд ачааны хэмжээс болон жинд багтсан эсэхийг нягтлах шаардлагатай.

 

Яаралтай ачаа эсэх

Агаарын ачаа тээвэр харьцангуй хурдан хугацаанд буюу 2-10 хоногийн хугацаанд зохион байгуулагддаг ч зарим тохиолдолд онц яаралтай захиалга орж ирдэг.

Онц яаралтай ачааны тээврийн үнэ нь энгийн хуваарьт, дамжин өнгөрөх нислэгүүдтэй тээврийн үнээс үнэтэй тооцогддог учраас цаг хугацааны ач холбогдлын талаарх мэдээлэл шаардлагатай.

 

Тээвэрлэлт дуусах цэг

Ачааг хүрэх газрын нисэх онгоцны буудал, хүлээн авагчийн агуулах хүртэл хаалганд нь хүргэх үйлчилгээ авах эсэхээс хамааран тээвэрлэлтийн үнэ ялгаатай тооцогддог учраас энэ төрлийн мэдээлэл шаардлагатай.

 

Та ачаагаа л тээвэрлүүл. Бусдыг нь бид хариуцна.

#эйрбридж_экспресс Тив дэлхийг холбоно.

 

Борлуулалтын мэргэжилтэнтэй холбогдох:

+976 9400 4636 cso@airbridge.mn

+976 9409 3424 sales1@airbridge.mn

+976 9914 4946 sales3@airbridge.mn

+976 9916 8643 sales5@airbridge.mn